Mogginn dauður...

Hann fékk að keyra þjóðina í þrot. Hann fékk að keyra seðlabankann í þrot. Nú fær hann að keyra morgunblaðið í þrot. Segir þetta ekki ýmislegt um eigendur moggans? Eru þeir ekki jafn geðveikir og Davíð. Undarlegt að 'sjarmi' hans skuli enn virka. Ætli Hitler myndi ganga svona vel í  dag?

Ég segi allavega mogganum upp. Ekki get ég fengið það af mér að greiða götu þessara geðsjúklinga.

Davíð og Haraldur ritstjórar

Enn bólar ekkert á skatti af séreignasparnaði.

Skrýtið að vinstri flokkur vilji frekar pína almenning heldur en létta undir með honum svo sem nota skatttekjur að séreignasparnaði. Hann var 33.4 milljarðar á síðasta ári. Inneign ríkisins var tæpir 100 milljarðar um síðustu áramót. Miklu betra að hækka t.d. neysluvörur sem hækka lánin heldur en nýta þetta.... ég er fúll og kýs ekki VG aftur nema þeir sjái að sér. Finnst þeir vera frekar grænir en félagshyggjuflokkur.

Miklar skattahækkanir í farvatninu

RÚV og kvennaboltinn

Ég hef fylgst svolítið með 'stelpunum okkar' síðustu ár og finnst mjög gaman. Þær spila ágætis bolta og það er skemmtilegt að horfa. Ég vil þakka RÚV fyrir það frábæra framtak að sýna frá EM. Umfjöllunin hjá Snorra og co. hefur verið mjög skemmtileg. Ég vona að framhald verði á. Stelpurnar eiga það sannarlega skilið.

Áfram Ísland. förum á HM.

Netnotkun og persónuvernd.

Netníð og þess háttar er víst fylgifiskur netsins í dag. Stjórnmálamenn hafa ýtt undir þetta með setningu laga um persónuvernd. Í raun á þetta ekki að vera vandamál. Þjónustuaðili netsins setur skilyrði fyrir netsambandi og ef það er brotið þá er notandi aftengdur. En eins og lögum er háttað í dag þá virðist það ekki vera hægt nema þá með miklum tilkostnaði, sem þjónustuaðili leggur ekki í. Miklu betra að skýla sér bak við lög. Ég þekki dæmi þess að fyrir nokkrum árum lenti stúlka í skítkasti af netinu. Foreldri hafi samband við þjónustuaðila (hægt er að finna út ip-addressur) og hann hafði samband við viðkomandi viðskiptavin. Afsökunarbeiðni barst til stúlkunar. Tveimur árum síðar gerist þetta aftur hjá annari stúlku. Nú var hins vegar búið að breyta lögunum þannig að kæra þurfti til lögreglu ef eitthvað átti að gerast. Þjónustuaðili gat ekki lengur haft samband við viðskiptavin sinn án þess að dómsúrskurður lægi fyrir.

Ég hef enga samúð með þingmönnum sem settu þessi lög og verða svo fyrir barðinu á þeim. Þeir geta bara breytt lögunum í þá veru að auðvelt sé fyrir alla aðila að stoppa netníð.

 

Björgvin G.: „Ný vídd í nafnlausu níði“

Skattur af séreignarsparnaði.

Þarna kemur fram að séreignarsparnaður til 2008 var 256 milljarðar. 37,2% skattur af því er rúmir 95 milljarðar. Ef við gefum okkur að skattprósentan verði minni, vegna þess að þeir sem eiga séreign eiga að fá vexti af skattinum, þá er um umtalsverða upphæð að ræða fyrir ríkið. 33,4 milljarðar á ári gefa ríflega 12 milljarða í aukinn skatt á ári. Sem er miklu meiri tekjur en það sem ríkið er að leggja á almenning í formi bensíngjalda osfrv. Við finnum ekki fyrir því að þessar tekjur ríkisins verði teknar en við finnum fyrir auknum vörugjöldum og öðrum gjöldum sem auka verðbólguna og þar með lánin mín.

Legg til að þetta verði gert hið snarasta. 

Raunávöxtun lífeyrissjóða hrapaði árið 2008

Er VG úlfur í sauðagæru?

Ný skólagjöld? Bílastæðagjald 8.000 á önn. Gjald fyrir útgáfu skírteina, tölvuforritun, aðgang að þráðlausu neti, útgáfu netfangs, gagnapláss, prentun, fjölföldun, leiga á skápum undir fatnað.

Þetta leyfir menntamálaráðherra félagshyggjunnar. Hvað ef nemandi getur ekki greitt? Er þá skólinn bara frír fyrir þá sem eiga peninga?

Eigi fyrir löngu bannaði menntamálaráðherra frjálshyggjunnar gjaldtöku af foreldrum fyrir skólaferðir.

Á ég þá félagshyggjumaðurinn að kjósa frjálshyggjuna til að markmið félagshyggjunnar nái fram að ganga? Eða er flokkurinn minn VG ekki félagshyggjuflokkur lengur?

Ég er farinn að fá það á tilfinninguna að félagshyggju öflin séu eitthvað allt annað. Minnir mig svolítið á einræði.

Ég held að VG ætti að fara í sjálfsskoðun og athuga sinn gang. Það telst ekki eðlilegt að almúginn hafi það miklu verra undir stjórn félagshyggjuafla. Kannski vinstri stjórn vilji bara ómenntaðann almúgann og óupplýstann eins og á miðöldum.

 

Ekkert fellur á þjóðina vegna Kaupþings!

Frábært. "Aðspurður hvort honum þætti ekki rétt að biðja þjóðina afsökunar sagði hann ekki krónu falla á íslensku þjóðina vegna Kaupþings og því væri það hlutverk annarra að biðja þjóðina afsökunar"

Lífeyrissjóðirnir tapa þá engu eða á þjóðin kannski ekki lífeyrissjóðina? M.a. vegna falls Kaupþings fá lífeyrisþegar minna útborgað í dag. Bein áhrif. 

Hreiðar Már: Hættu þessu kjaftæði og biddu þjóðina afsökunar. 

Annarra að biðjast afsökunar

Mótmælum.

Ég legg til að ef Magnús á Toyota ennþá þá verslum við ekki við hann. Ef maður skuldar 50 milljarða sem er svipað og þjóðarbúið þarf að skera niður á árinu þá eiga menn ekki að geta átt eignir.

 

Gamli Landsbankinn afskrifar skuldir Magnúsar

Skattar af séreignarsparnaði.

Í byrjun júní skrifaði ég grein í Morgunblaðið um að grynnka mætti verulega á peningavandræðum þjóðarinnar með því að nýta geymdar skatttekjur ríkissjóðs í séreignarsparnaði. Samkvæmt vefriti fjármálaráðuneytis frá 5 febrúar 2009 eru um 300 milljarðar í séreignarsparnaði. Skatturinn af því er yfir 100 milljarðar.  

Hugmyndin hjá mér var aðallega að vekja umræðu um þetta mál. Svo illa vildi til að sjálfstæðisflokkurinn kom með aðra hugmynd þ.e. að taka skatt af lífeyrissparnaði. Svo virðist vera sem þessum tveim málum hafi verið blandað saman. Þetta eru hins vegar tvö aðskilin mál.

Ég hef heyrt að rök gegn þessu séu t.d. að eigandi sparnaðar fái ávöxtun á allri upphæðinni að skatti meðtöldum meðan hún liggur á reikningnum. Þannig myndi eigandinn tapa ef skatturinn yrði tekinn af. Svarið við þessu getur t.d. verið að taka minni skattprósentu af eigninni. Það eru eflaust til margar leiðir til að leiðrétta slíkt tap.

Önnur rök gegn þessu eru að það þyrfti að setja upp sérsjóð eða sér kerfi ef breyta ætti framkvæmdinni gegn reikningum sem þegar eru til. Satt best að segja skil ég ekki þessi rök. Það er ekkert mál að reikna  skattinn af reikningi mínum um áramót og framvegis á ég allt á reikningnum. Skattinn mætti t.d. leggja inn á ríkisreikning og greiða út af honum eftir efnum og ástæðum sjóðsins.

Þriðju rökin eru þau að til þess að séreignarsjóðirnir verði að selja bestu eignirnar til þess að geta greitt þetta út og ávöxtun sjóðanna verði því minni. Ég geri mér grein fyrir því að séreignarsjóðir geta ekki greitt þetta á einu bretti. Greiðslurnar geta farið fram á t.d. allt að fimm árum. Annars tel ég það vera betra fyrir mig að tapa smá ávöxtun en að borga hærri skatta. 

Það má öllu vera það ljóst að þarna eru umtalsverðar tekjur fyrir ríkissjóð. Almenningur verður ekki var við ef þessi skattur er tekinn strax. Almenningur verður hins vegar var við hækkandi bensínverð, hækkandi áfengisgjald, hærri skatta o.s.frv. Við þurfum öll að hafa ráðstöfunarfé milli handanna, við þurfum að geta keypt vörur því annars fá fyrirtækin ekki tekjur. Ef fyrirtækin fá ekki tekjur þá hef ég ekki vinnu. Þannig er efnahagslífið keyrt niður.

Hvernig væri að ræða þetta og sjá hvort ekki er hægt að auka tekjur ríkisjóðs með þessu og auka ráðstöfunartekjur almennings?